上星期跟幾位"八婆"到灣仔的新泰東南亞餐廳聚餐，重可以坐到靚靚的舒適四人位。
先來一杯我最香的芒果沙冰，濃濃既芒果香，細滑既口感。
先食d香口野。
左邊既蒜香雞翼，賣相就麻麻地，好似舊炭咁。
但預唔到食入口又幾香，而且雞肉又幾嫰。
右邊既豬頸肉，唔會油林林既感覺，好有彈性。
開始我地既正餐。
先黎一個南瓜焗咖哩海鮮，當中有魚、八爪魚同青口，味道中規中矩。
但咖哩配酥餅都不錯。
(早知叫咖哩蟹包啦~~感覺應該幾好味咁! 下次有機會要食咖哩蟹包先得)
之後，就到奶油大蝦。
一上菜，個個都嘩左一聲，好大隻呀!!
不過肉就唔係好多喇，4個人一人一啖。
但呢一啖真係勁正，d奶油好濃咪，一入口就變左心心眼XD
下次我一定會再叫呢個食~~
菠蘿炒飯，正常之作，但多左提子乾，食落去糖糖地又幾得意。
芒果沙冰太好飲，所以巳飲晒。
叫返杯有推介既龍眼冰試一試先，都幾多龍眼肉下(6-8粒左右)，
杯龍眼冰都幾濃龍眼味，但都幾糖下，如果淡返少少會重正。
臨尾就叫返幾串串燒試一試先，
雞肉串肉嫰，牛肉串不會熟過頭剛剛好，豬肉串則好香(香矛嗎??)
最後當然少不了，我心愛的芒果糯米飯。
黑糯米飯林D，白糯米飯煙un d，唔洗講都係咁好食。
****************************************
Contact Me:
E-mail:
Facebook:
Instagram: JanechunOK
****************************************
免責聲明:
本文章所發表的全部內容均屬個人意見及感受，
並不代表該品牌之言論及立場。
如需協助或希望獲得更多有關產品資訊，
請直接聯絡該品牌查詢或∕和尋求相關專業意見。
如從而引起任何損失或法律糾紛，本人概不負責。
